«Навбаҳор» сафини «Норин»дан келиб тўлдирган тўртинчи футболчи - Мурод Тўйчибоевдир. Бу сафар Тўйчибоев ҳақида тўхталиб ўтамиз.

Мурод Тўйчибоев 1992 йил 30 августда таваллуд топган. Амплуаси ҳимоячи. Кўпчилик Тўйчибоев ҳақида кўп маълумотларга эга эмас. 24 ёшли футболчи Олий лигада тажриба тўплашга эришган.

Футболчи фаолияти давомида «Металлург», «Қизилқум», «Шўртан», «Динамо», «Локомотив-БФК» ва «Норин» жамоаларида тўп сурган. Элитадаги илк ўйинини 2012 йили бекободликлар сафида ўтказган. Олий лигадаги сўнгги ўйинини эса «Динамо» таркибида ўтган мавсум ўтказган.

Тўйчибоев ўтган мавсум давралар оралиғида самарқандликлар сафини тарк этиб, «Локомотив-БФК» йўл олади. Янги мавсумнинг дастлабки қисмини эса хабарингиз бор, «Норин»да ўтказди. Тўйчибоев ҳам Ҳаққулободда чиройли ўйини билан ажралиб турди.

Энг қизиғи, фақатгина Мурод Тўйчибоев Равшан Бозоров билан тўртта жамоада бирга ишламоқда: «Динамо», «Локомотив-БФК», «Норин» ва энди «Навбаҳор»!