Таиландда ўтказилаётган клублар ўртасидаги Осиё чемпионати, чорак финал босқичи ўйинлари ўтказилди.

Ушбу босқичда Ўзбекистоннинг “Олмалиқ” клуби Таиланднинг “Чонбури Блувейв” жамоасига қарши майдонга тушди.

“Олмалиқ” учрашувда биринчи бўлиб гол уриб, ҳисобни очганига қарамай, ушбу устунликни сақлаб қола олмади. Биринчи бўлиб якунига қадар мусобақа мезбонлари Рустам Умаров қўриқлаган дарвозани уч бор ишғол қилишга муваффақ бўлди. Иккинчи бўлимда таиландликлар яна бир бор тўп киритиб, ҳисобнинг 4:1 кўриниш олишини таъминлади.

Шу тариқа клублар ўртасидаги Осиё чемпионатида Ўзбекистон шарафини ҳимоя қилган Олмалиқнинг “Олмалиқ” клуби ўз иштирокини чорак финалда якунлади.

Клублар ўртасидаги Осиё чемпионати

Чорак финал, 19.07.2016

Бангкок, "Bangkok Arena"

"Чонбури Блювейв" - "Олмалиқ" 4:1

Голлар: Жетсада (12), Супхавут (14), Жирават (17), Рудимар Венансио (36) - Ж.Шарипов (1)

"Чонбури Блювейв" (биринчи бешлик): 12.Катавут Ҳанкампа, 3.Суттирож Наттапон, 4.Рудимар Венансио (Хапа), 8.Жирават Сорнвичиан, 9.Супавут Туенкланг.

Захира: 1.Томпа Сурапонг, 2.Пеерапат Каеввилаи, 5.Ампол Срирагю, 6.Танаторн Сантанапрасит, 7.Апиват Чаемчарион, 10.Наттавут Мадялан, 11.Жетсада Чудеч, 13.Саравут Жаипеч, 14.Сорасак Пуунжунгрид.

"Олмалиқ" (биринчи бешлик): 1.Рустам Умаров, 2.Фарҳод Абдумавлонов, 4.Шуҳрат Тожибоев, 10.Жамолиддин Шарипов, 14.Константин Свиридов.

Захира: 3.Феруз Фахриддинов, 5.Мақсуд Файзуллаев, 6.Жавлон Аноров, 7.Хуршид Умаралиев, 8.Жасур Содиқов, 9.Андрей Шлема, 13.Даврон Чориев, 11.Суннат Куралов, 12.Клим Тюгаев.

Огоҳлантиришлар: Даврон Чориев (6), Наттавут (12)

Четлатиш: Даврон Чориев (7)