Беларуснинг "Сморгонь" клуби бош мураббийи, ўз вақтида "Машъал" ва "Динамо" Самарқанд жамоаларида ўйнаган Николай Риндюк "Прессбол" газетаси мухбирига берган интервьюсида Ўзбекистондаги фаолиятини эслади.
- Дунёнинг бошқа четида нималарни ҳис қилардингиз?
- Сенга БАТЭдагидан кўра ўн баравар ҳақ тўлашса, мандраж ҳақида ўйламайсан. Масалан, Борисовда беш юз доллар тўлашар эди, у ерда эса беш минг. Бу 2004 йилги гап.
- Ўзбекистонда қандай бўлган эди?
- Бу биринчи ўринда палов ва дўппи. Ҳаётий томондан яхши мамлакат. Ҳамма нарса арзон. Футболи бизникига ўхшайди. Ҳамма нарса яхши йўлга қўйилган 3-4 клуб бор. Кимдир Осиё чемпионлар лигасида ўйнайди. Уларда база, майдонлар ҳаммаси яхши. Қолган клублар молиявий қийинчиликларни бошдан кечиради. Сени алдашлари мумкин. Бу асабийлаштиради.
- Қандай алдайдилар?
- Ҳар қанақасига. Мен учта жамоада ўйнадим, ҳаммасида алдашган. Кўп ҳолларда. Доллар курсидаги фарқ туфайли муаммоларга дуч келганман.Федерацияга мурожаат қилсанг - эртага келинг дейишади. Бу бошқача дунё.
- Ҳаёт даражаси қандай?
- Нормал. Тошкентда арзон нархлар. Бу борада Минскка жуда ўхшайди. Пойтахтдан ташқарига чиқсанг - янада арзонроқ. Таом ва меваларнинг нархи жуда арзон.
- Стадионлар, базалар, мухлислар?
- Ҳаммаси клубга боғлиқ. Ярмидан кўпи яхши майдонлар, базалар, мухлислар. Қолганларида томорқага киргандай бўласан, ҳакамлар билан муаммога дуч келасан.
- Ҳакамлар жамоаларни "бўғишармиди"?
- Керак бўлса ўлдириб ҳам қўйишар эди. Ҳар хил воқеалар бўлиб турар эди.
