Бразилия бош мураббийи Тите, терма жамоанинг натижалари бўйича барча жавобгарликни Неймарнинг зиммасига юклаш адолатдан эмаслиги ҳақида гапирди. Аввалроқ, олимпия терма жамоаси бош мураббийи Рожерио Микале «Неймарпарастлик» тўғрисида гапирганди.
«Бир одамнинг бўйнига барча жавобгарликни юклаш одамгарчиликдан эмас. Жавобгарлик мураббий ва футболчиларга босим бўлади. Тўғри, қандайдир вазиятда қобилиятли етакчи ташаббусни қўлига олиши мумкин. Лекин бу ҳар доим иш бермайди. Евро-2016 финалида Португалия Криштиану Роналдудан маҳрум бўлди, бироқ ғалаба қозонди. Аргентина эса Америка кубоги-2016 финалида Месси билан ғалаба қозониши керак эди, аммо ундай бўлиб чиқмади» - деди Тите.
