"Барселона" ҳужумчиси Луис Суарес "Олтин тўп" совринига жамоадоши Лионель Мессининг номзодини илгари сурди.
"Ҳа, Роналду муҳим совринларни қўлга киритди, амо шахсан мен дунёнинг энг яхши ўйинчиси деб Мессини тан оламан. Лео бу совринни оладими, йўқми, нима бўлганда ҳам қолганлардан анча кучли. Ҳеч ким у каби ўйинга таъсир ўтказа олмайди.
У Аргентина термаси билан Америка кубогини қўлга кирита олмади, аммо унинг ҳисобида "Барселона" билан жуда кўп совринлар бор. Шунинг учун уни "Олтин тўп"га муносиб деб ҳисоблайман", - дейди Суарес.