Россия спорт вазири ва футбол иттифоқи раҳбари Виталий Мутко миллий терма жамоанинг ўртоқлик ўйинлари борасида маълумот берди. Эслатиб ўтамиз, Россия ЖЧ-2018 мезбони сифатида саралаш ўйинларидан озод қилинган ва мусобақа бошлангунга қадар фақат ўртоқлик ўйинларини ўтказиши мумкин эди.
«2018 йилга қадар тақвимни ишлаб чиқдик. Ҳозирча эълон қилмай турамиз. Бош мураббий тайинлангач, у билан муҳокама қиламиз. Рақиблар орасида Европа, Африка ва Океания вакиллари бор, лекин асосан Осиё терма жамоалари билан ўйнаймиз. Дастлабки икки ўйин борасида келишувга эришганмиз» - деди Мутко.