Дўрмондаги ўйингоҳда “Қўқон-1912” – “НБУ-Осиё” жамоалари ўртасидаги ўртоқлик ўйини бўлиб ўтди. Мазкур учрашувда жамоамиз сафига кеча келиб қўшилган икки нафар сербиялик ўйинчилар ҳам иштирок этишди. Ҳар икки легионер асосий таркибда майдонга тушди.
Ўйин тўлиқ вакилларимизнинг устунлиги остида ўтганини эътироф этиш жоиз.
Учрашувнинг 42-дақиқасида ўнг қанотдан белгиланган жарима зарбасини Маъруф Зокиржонов “Банкирлар” дарвозасига жойлаб, ҳисобни очди.
Иккинчи бўлимда тўлиқ таркиб ўзгарди. Лекин ташаббус барибир қўқонликлар томонида бўлди. Аммо гол уриш борасида омадимиз келмади. Хусусан, 2-бўлимда Носир Отақўзиевнинг урган голи ҳисобга олинмади. Ҳакамлар офсайд қайд этишди. Бугунги ўйинни Жасур Мухторов бошчилигидаги ҳакамлар бошқариб боришди.
Шу тариқа жамоамизнинг тўлиқ устунлигида ўтган ўйин кичик 1:0 ҳисоби билан якунланди.
Ўртоқлик учрашуви
“Қўқон-1912” – “НБУ Осиё” – 1:0 (1:0)
Гол: Маъруф Зокиржонов – 42.
“Қўқон-1912”: Азиз Ашуров, Дарко Гожкович, Никола Валентич, Жалил Кимсанов, Маъруф Зокиржонов, Аваз Маматхўжаев, Отабек Зокиров, Собир Ҳамидов, Абдуллох Олимов, Жавоҳир Сиддиқов, Суҳроб Бердиев.
Захира: Руслан Матниязов, Шохрух Холматов, И. Ғофуров, А. Раҳимов, Достон Турсунов, Нодир Йўлдошев, Иқбол Маликжонов, Баҳодир Акрамов, Ориф Мамажонов, Иброҳим Раҳимов, И. Абдуғаниев, И. Алимбоев, Носир Отақўзиев, Азиз Тўхтабоев.
