Футбол ассоциациясининг (ФА) ижрочи директори Мартин Гленн хабарига кўра, 2019/20 мавсумгача, яъни телетрансляциялар ҳуқуқи муддати тугамагунча чемпионатдаги қишки таътилга ўзгариш киритилмайди. Аввалроқ, терма жамоанинг бош мураббийи Сэм Эллардайс футболчилар учун қишки таътил муддатини узайтириш кераклигини гапирганди.

«Ҳозир қишки танаффус муддатини узайтириш ҳақида гапириляпти. Тўғри, бошқа чемпионатларда қишки таътил бор, бизда эса ўйинлар ўтказиляпти. Бироқ шуни айтмоқчиманки, 2019/20 мавсумгача тақвим аниқ белгилаб қўйилган, телетрансляциялар ҳуқуқи сотилган. Уни ўзгартира олмаймиз. Шартномалар муддати тугагач, буни муҳокама қилишга тайёрмиз» - деди Гленн The Guardian хабарида.