Жамоамиз кўригида бўлиб турган Сербия Руспубликасидан келган футболчилар Никола Валентич ҳамда Дарко Гожкович, тиббий кўрикдан мувафақиятли ўтдилар. Жамоа раҳбарлари футболчилар билан шартномаларни имзолади. Шартномалар мавсум сўнггига қадар мўлжалланган. Агар бу легионер футболчилар жамоада ўзларини кўрсата олсалар, улар билан янаги йилга ҳам шартномани узайтиришга келишиб олинди.
Шунингдек жамоамиз кўригида бўлиб турган Иброҳим Раҳимов, Суҳроб Бердиев, Жавоҳир Сиддиқов, Нодир Йўлдошевлар билан ҳам шартномалар имзоланиб, уларнинг барчаси рўйхатдан ўтказилди.
Юқорида номлари келтирилган барча футболчилар «Бухоро»га қарши бўладиган кубок ўйинида майдонга тушишлари кутилмоқда. Жамоада селекция жараёни давом этмоқда.
