Муборакнинг ” Машъал” клуби ҳужумчиси Шахбоз Эркинов Қаршининг “Насаф” жамоасига ўтди.

Эркинов бу йилги мавсумни 1-даврасини  “Машъал” жамоасида ўтказди ва рақиблар дарвозасига тўрт марта гол киритишга муваффақ бўлди. Эътиборлиси, Шахбоз Эркинов тўртта голни иккита ўйинда киритишга эришди. “Машъал” олий лига стартидаги Навоийда бўлиб ўтган “Кизилкум” жамоасига қарши учрашувда 3:2 ҳисобида мағлубиятга учради. Ушбу баҳсда Эркинов мавсум бошидаги дастлабки дублини расмийлаштирган.

Mуборакда ўтказилган “Обод” жамоасига қарши (5:0) учрашувида “Машъал”нинг иккита голига айнан Эркинов муаллифлик килган ва иккинчи дублини қайд этган.

Шахбоз энди 2-даврада воҳанинг бош жамоаси “Насаф” шарафини химоя қилади. Биз, Шахбозга ва “Насаф” жамоасига 2-даврада омад ва зафарлар тилаб қоламиз.

Дилшод Сафаров.

Манба: voha.uz