"Барселона" клуби расмий сайти ярим ҳимоячи Хавьер Маскерано билан янги шартнома имзоланишини эълон қилди.
Янги келишувга кўра, аргентиналик футболчи "кўк-анорранглилар" сафида 2019 йилнинг ёзига қадар ўйнайди. Шартнома қайси санада расмийлаштирилиши ҳақида маълумот берилмаган. Маскеранонинг амалдаги шартномаси 2017/18 мавсум сўнггига қадар мўлжалланганди.
Сўнгги пайтларда Маскерано "Барса"ни такр этиши мумкинлиги ҳақида хабарлар пайдо бўлганди. Жумладан, футболчига "Ювентус" жиддий қизиқиш билдирди.