«Наполи» мухлислари Гонсало Игуаинни «Ювентус» клубига ўтиб кетганини ҳазм қилишолмаяпти. Неаполликлар ижтимоий тармоқлар орқали футболчини тинмасдан ҳақорат қилишяпти.
Бу ҳам етмаганидай, бир гуруҳ мухлислар футболчинининг номи ва тасвири туширилган махсус ахлатдонларни тайёрлашди. Неаполь кўчалари бўйлаб эса Игуаин тасвири туширилган чиқинди ташувчи машина кезиб юрибди. Аргентиналик футболчининг қилиғига шаҳар мэри ҳам қараб туролмади ва: «Игуаинни «Ювентус»га ўтиши – давлат хоинлиги билан баробар» - деб юборди.