«Манчестер Юнайтед»га ўтиб кетган Златан Иброҳимовичнинг ўрнини босиши керак бўлган «ПСЖ» ҳужумчиси Эдинсон Кавани босим ҳис қилмаётганини маълум қилди.
«Ҳеч қандай босимни ҳис қилмаяпман. Аксинча, бу мен учун шараф. Ҳар бир футболчининг ўзига хос ўйин услуби бор. Мен гол уриш ва «ПСЖ» билан бирга совринларни қўлга киритиш билан жамоага ёрдам беришим керак», — деди уругвайлик футболчи.
«Марказий ҳужумчи ўрнида, аввалги йилларда бўлгани каби, билдирилаётган умидни оқлашга ҳаракат қиламан», — деди Кавани.
«Клуб билан ҳали икки йиллик шартномам бор. Шу ерда қолишни хоҳлайман, бироқ бу борадаги якуний қарорни клуб қабул қилади», — дея қўшимча қилди ҳужумчи.
