Португалиялик яримҳимоячи Андре Гомеш "Барселона"даги фаолияти ҳақидаги саволларга жавоб берди.
– Сен учун "Барселона"га ўтиш нимани англатади?
– Мен ўзим ва оилам учун энг яхши вариантни танлашим лозим эди. Бу ерда иккиланишга ҳожат қолмади. Мен танлашим керак эди ва энг яхши вариантни танладим, деб ўйлайман. "Барселона"нинг ўрта чизиғида қойилмақом футболчилар кўп. Мен улардан ўрганишим ва ўсишим керак. Мен 22 ёшдаман ва яхшироқ бўлиш учун вақтим кўп деб ўйлайман.
– Нима учун сен "Реал"га эмас, "Барса"га ўтдинг?
– Бу шахсий ишим. Ҳар ким ўз фикрига эга. Мен учун энг яхши клуб - бу "Барселона". Бу менинг ва "Барселона"нинг фалсафасига тегишли.
– Мураббий билан гаплашдингми?
– Луис Энрике билан гаплашдим. У менга кўпроқ ишлашим лозимлигини уқтирди.
– Янги мавсумдан нимани кутяпсан?
– Ҳамма нарсада ғолиб чиқиш.
– Месси ёки Роналду?
– Уларнинг кимлигини ҳамма билади. Уларнинг иккиси билан ҳам бирга ўйнаш - бу фахр. Уларнинг ҳар бирининг ўз усули бор. Мен "Барселона"даги янги жамоадошларим билан бирга ўйнаб завқ олмоқчиман, айниқса, Иньеста каби дунё савиясидаги футболчилар билан", - дейди Гомеш.
