Футзал бўйича Ўзбекистон миллий терма жамоаси Колумбияда бўлиб ўтадиган Жаҳон чемпионатига тайёргарликнинг асосий босқичини бошлаш арафасида турибди.
Хосе Мария Мендез бошчилигидаги терма жамоамиз мундиал олдидан Осиёнинг амалдаги чемпиони билан иккита ўртоқлик учрашуви ўтказади. Эрон терма жамоасига қарши ўйинлар 28 ва 29 август кунлари бўлиб ўтади. Ҳар икки учрашув ҳам Эроннинг Машҳад шаҳрида ўтказилади. Терма жамоамиз делегацияси форслар юртига 26 августда учиб кетади.
Эслатиб ўтамиз, Ўзбекистон терма жамоаси мундиалнинг "A" гуруҳида Колумбия, Португалия ва Панама терма жамоаларига қарши баҳс олиб боради. Эрон эса Испания, Марокаш ва Озарбайжон термалари билан "F" гуруҳида кураш олиб боради.
