«Ювентус» ҳужумчиси Гонсало Игуаин «Наполи» президенти Аурелио Де Лаурентис томонидан хоинликда айбланганидан сўнг, бу можарога ўз фикрини билдирди.
«Де Лаурентис билан орамизда муносабатларимиз ҳеч қачон яхши бўлмаган, фикримиз бир жойдан чиқмаган. Айнан у сабабли жамоани тарк этдим. Уни ёнида бир дақиқа ҳам қолишни истамадим. Мухлислар ва жамоадошларимдан миннатдорман, лекин президентдан эмас. Мени ўз сафига қўшиб олган «Ювентус»га раҳмат айтаман. Ҳаётда ўзинг учун энг яхши қарорни қабул қилишга интиласан. «Ювентус»ни танлаганим шундай қарорлардан бири. Бироқ бу жуда оғир қарор бўлди», – деди Игуаин.