Президентимиз томонидан 2016 йил "Соғлом она - соғлом бола" йили деб эълон қилиниши "Локомотив" футбол клуби томонидан катта қувонч билан кутиб олинди ва "Ўзбекистон Темир Йўллари" ва "Локомотив" жамоа рахбарияти бизнинг келажагимиз бўлган ёшларимизни хар томонлама етук, соғлом етишлари учун Ўрта Осиёда биринчи бўлиб 3 ёшдан 6 ёшгача бўлган болалар учун "Локо-Жуниор" мактабини очиш учун танлов эълон қилган эди.
Хар жабхада биринчи бўлишга, ўзбек футболининг хақиқий “локомотиви – бошловчиси” бўлишга ҳаракат қилаётган “Локомотив” хабарингиз бор май ойида ўзбек футболи ихлосмандларига ажойиб совға тайёрлаган эди. Бу дастур аввалида “Локомотив” клуби рахбарияти 30 нафар болажонларни мактабга қабул қилиш режасини ишлаб чиққан эди. Ўз фарзандларини келажакда аввало соғлом, ҳар томонлама етук инсон, ватанпарварлик руҳи хукмрон бўлиб етишиши учун ота-оналар бизнинг мактабимизга олиб кела бошладилар. Шу аснода «Локо-Жуниор» мактаби кенгайиб борди ва айни дамда 100 нафарга яқин болажонлар футбол сирларини ўрганмоқдалар. “Локомотив” клуби рахбарияти бош ҳомийимиз Ўзбекистон Темир Йўллари" Акциядорлик жамияти хайрихоҳлигида 4-6 ёшда бўлган болажонлар учун яна янги танлов эълон қилади.
Президентимиз томонидан фарзандларимизни тўғри йўлдан соғлом, баркамол ва ақлли бўлиб етишларига барча шароитлар яратиб бериляпти. Келажакда шу болалар нафақат “Локомотив”, балки Ўзбекистон терма жамоасини шарафини халқаро майдонларда муносиб химоя қилишади.
«Локо-Жуниор» мактаби қабул қилиш шартлари:
1.Туғилганлик тўғрисида гувохнома нусхаси (метрка)
2.Тиббий рухсатнома бола соғломлиги тўғрисида (кардиограмма хам шарт)
3.3х4 лик расм (4 дона)
Мурожаат учун телефон:
+998977198989 Азиз Умаров (мураббий)
