Германия миллий терма жамоаси футболчиси Месут Ўзил ярим ҳимоячи Бастиан Швайнштайгерга миннатдорчилик билдирди.
Швайнштайгер 29 июль куни миллий терма жамоадаги фаолиятини якунлаганини эълон қилди.
«Биз сен билан миллий терма жамоа сафида кечирган кўплаб унутилмас лаҳзалар учун раҳмат, Басти», — деб ёзди Ўзил Twitter’даги саҳифасида.
Ярим ҳимоячи бу хабарига «Бразилия-2014» ҳештегини ҳам илова қилган. Мазкур мусобақада Германия жаҳон чемпионлигини қўлга киритган эди.