Ҳужумчи Гонсало Игуаинни отаси Хорхе ўғлини «Наполи» клубидан «Ювентус»га ўтишига изоҳ берди. Аввалроқ «Наполи» президенти Де Лаурентис Игуаинни хоинликда айблаган, футболчи эса президентни ёмон кўргани учун клубни тарк этгани ҳақида гапирганди.
«Гонсало клуб президенти билан келишолмай қолди ва «Наполи»ни тарк этишга мажбур бўлди. У ёмон иш қилгани йўқ, чунки шартномасида бошқа клубга ўтиши мумкинлиги ёзилганди. Энди у Неаполга келса ҳақорат ва ҳуштакбозликка учрайди, бу футболда бўлиб турадиган ҳодиса. Умид қиламанки, мухлислар уни қарорини ҳурмат қилишади. Чунки у «Наполи»ни етакчиси эди ва клубни Чемпионлар лигасига қайтарганди» - деди Хорхе Football Italia хабарида.
