Борган сари иккинчи давра ўйинлари бошланишига саноқли кунлар қолмоқда, ҳаяжонлар ортмоқда. Барчада бир ҳадик - «Навбаҳор» иккинчи даврани қандай ўтказар экан?!

Клуб раҳбарлари ҳозиргача 3 та легионер футболчилар таркибга қўшилишини айтиб ўтишганди. Фақатгина Доржи Сангажиев жамоа йиғинига қўшилди, холос. Қолган иккисини кутишмоқда. Афтидан, хорижлардан умид узилганга ўхшайди. Гондураслик Густаво Армандонинг юртимизга келишидан келмаслиги аниқ бўлиб бормоқда. Ҳозирча раҳбариятдан бу борада жавоб ололмадик.

Хўп, легионерлар келмаяпти. Нега унда ўзимизнинг футболчилар таркибга қўшилмаяпти? Акбаров ва Вагаповлар қани? Ҳозирча таркибимизда бошқа ўзгаришлар кузатилмади.

«Норин»га қайтишга шайланган Фарруҳ Нурлибоев сўнгги лаҳзада «Навбаҳор» сафини тарк этмайдиган бўлди. Дарвоқе, «Норин» ҳақида гап кетганда, жамоа Парванов ўрнига Элдор Исабоевни, Алексин ўрнига эса Абдураззоқ Жўраевларни таркибга қўшиб олган.

«Навбаҳор» йиғинида иштирок этаётган Парванов, Тўйчибоев, Алексин, Абдуллаев, Исоқжонов ва Сангажиевларнинг жамоада қолиши ойдинлашди. Қолганлар кўрикдан ўтишда давом этишади.