Гонсало Игуаинни агенти ва акаси Николас, укасини «Ювентус» клубига ўтишида молиявий масала ҳал қилувчи омил бўлмаганини гапирди.
«Наполи» билан янги шартнома борасида келишолмаганимиз ҳақида миш-мишлар пайдо бўлди. Бироқ, гап пулда эмас, балки клубда. Де Лаурентис Гонсалога «Ювентус» таклиф қилган маошдан ҳам кўпроқ пул бермоқчи эди. Лекин у барибир «Ювентус»ни танлади. Биз бошқа клублар билан музокара ўтказмадик. «Юве» 90 миллион евро товон пулини тўлашга рози бўлган ягона клуб бўлди», - деди Николас Игуаин Tuttosport хабарида.