Ўзбекистоннинг кўҳна ва навқирон шаҳарлари бўлмиш – Бухоро ва Қўқон шаҳари ўртасидаги дўстлик ришталари узоқ тарихга бориб тақалади. Бугунги кунда ҳам бу шаҳарларнинг ўзаро ҳамкорлиги юқори даражада давом этмоқда. Хусусан, “Қўқон-1912” футбол клуби ва “Бухоро” жамоалари яхши муносабатларни йўлга қўйишган. Ўзбекистон Кубоги чорак финал доирасидаги ўйинларда бу риштанинг мустаҳкам эканлиги яна бир бор ўз исботни топди. Жумладан, бугунги кунга келиб, “Қўқон-1912” жамоаси мухлислар клуби ва “Бухоро” жамоаси мухлислари ўртасидаги дўстона муносабат кўпчиликнинг ҳавасини келтираётгани ҳеч кимга сир эмас.

Ушбу жамоаларнинг Қўқонда бўлиб ўтган биринчи ўйинида Илҳомжон Қундузов бошчилигидаги “Қўқон-1912” жамоаси мухлислар клуби вакиллари бухоролик мухлисларни юқори даражада кутиб олишганди.

28 июль куни Бухорода ўтказилган жавоб баҳси олдидан “Бухоро” жамоаси мухлислар клуби аъзолари ҳам Қўқондан ташриф буюрган мухлисларни шундай даражада кутиб олишди. Жамоамиз ишқибозлари Бухоро шаҳрнинг энг гўзал масканларига ташриф буюришди. Умуман олганда, кутиб олиш жараёнидан тортиб кузатиш жараёнигача барчаси аъло даражада бўлди.

“Қўқон-1912” жамоаси ва мухлислар клуби вакиллари бухоролик мухлисларга самимий муносабат, юқори даражадаги эътибор учун миннатдорчилик изҳор этади. Ўйлаймизки, бу ҳамкорлик шундай руҳда давом этади.