«Динамо» футбол клуби қароргоҳида Олий Лига назоратчиси Элбек Мусаев ФИФАнинг янги ўйин қоидалари бўйича семинар ўтказди.
Клуб қароргоҳида ташкил этилган ушбу семинарда «Динамо» жамоаси мураббийлари, футболчилар иштирок этиб, ПФЛ инспектори Элбек Мусаев янги қоидалар билан уларни таништириб ўтди. Ўзбекистон футболида келаси мавсумдан кучга кирадиган ушбу қоидаларга футболчиларни тайёрлаб бориш мақсадида ташкил этилган ушбу семинарда, тўпни қўл билан ўйнаш, сўнгги умид қоида бузилиши, ўйиндан ташқари ҳолатни аниқлаш, симуляция ва бошқа ўзгаришлар хусусида футболчиларга маълумотлар берилди. ПФЛ назоратчиси турли ҳолатлар юзасидан футболчиларнинг фикрини тинглаб, вазиятларни тушунтириб ўтди. Клуб аъзолари бу борадаги саволларига атрофлича жавоблар олишди.
