«Челси» бош мураббийи Антонио Конте жамоанинг янги футболчиси Нголо Канте ҳақида ўз фикрларини билдирди.
«Нголо биринчи марта «Челси»нинг машғулотида қатнашди. У камтар, камгап, бироқ майдонда бор кучини ишга соладиган футболчилардан, бу жуда муҳим. Унда меҳнат қилиш иштиёқи кучли. У «Челси» учун Матич ёки Фабрегас каби ўрта чизиқнинг муҳим футболчиларидан бири бўла олади. Нголони жамоамизга қўшилганидан хурсандман. У ажойиб жисмоний формада, югуриш машқларида чидамли ва меҳнаткаш футболчи» - деди италиялик мутахассис.
