Москванинг «Локомотив» клуби ҳимоячиси Виталий Денисов «Зенит» (0:0) клубига қарши ўтказилган ўйиндан сўнг ўз фикрларини баён қилди.

- Ҳозир «Локомотив» бирор футболчини харид қилмагани ҳақида гапирилмоқда?
- Трансфер ойнаси ҳали ёпилмади, кутамиз. Нима бўлганда ҳам, бизда захирадан майдонга тушадиган яхши футболчилар бор. Таркибимиз ёмон эмас.

- Мавсум учун вазифа қўйилдими?
- Вазифа ҳар доимгидек, энг юқори ўринни эгаллаш.

- Ўтган мавсумга қараганда «Зенит» ўйинида нималар ўзгарди?
- «Зенит» ҳар доим ҳужумкор ўйнаган. Бу йил Шатов етакчилик қиляпти, ташаббусни ўзига олиб, ҳужумни бошламоқда. Умуман олганда жуда катта ўзгаришни кўрмадим. Аммо «Зенит» таркибида Суперкубокда ўйнамаган футболчилар ҳам майдонга тушишди.