«Шальке» клубининг спорт директори Кристиан Хайдел швейцариялик ҳужумчи Бреэль Эмболо трансфери ҳақида гапириб берди.
«Эмболони олганимизнинг бир неча сабаблари бор. Асосий сабаб – у ажойиб футболчи. Уни ҳатто Моуриньо «МЮ» сафида кўрмоқчи эди.
Бундан ташқари Эмболо мухлислар ёқимтойига айланиши мумкин, худди Хёведес, Сане ёки Фэрманн каби. «Базель» клубида ҳам шундай бўлганди, у ерда сотилган футболкаларнинг 80 фоизида Эмболо исми ёзилган эди. У жуда очиқкўнгил йигит, доим табассум қилади, бундай одамлар билан мулоқот қилиш ҳам осон» - деди Хайдел.
Эслатиб ўтамиз, Бреэль Эмболо шу йил ёзда «Базель» клубидан «Шальке»га 27,5 миллион еврога ўтган эди.
