«Милан» ҳужумчиси М'Байе Ньянг хатолардан хулоса чиқариб, анча улғайгани ҳақида гапирди.
«Мавсумни охирини ўтказиб юборишга мажбур қилган автофалокат мен учун дарс бўлди. Жамоа менга муҳтож эди, бироқ мен 3 ой майдонга тушолмадим, бундан афсусдаман.
Мен ўзгардим, анча улғайдим, аввал ҳатти-ҳаракатларим оқибати ҳақида ўйламасдим. Ўша жароҳатдан сўнг одамлар мени аҳмоқ деб ўйлашган, буни тушуниб турибман. Бироқ мен зарур хулосаларни чиқариб, инсон ва футболчи сифатида улғайдим» - деди Ньянг Gazzetta dello Sport хабарида.
Эслатиб ўтамиз, Ньянг Audi автомобилини катта тезликда бошқараётган маҳалда, сирпанчиқ йўлда автофалокатга учраб, 3 ой давомида майдонга тушмаган эди.