«Милан» ва Италия терма жамоасининг бош мураббийи Арриго Сакки «Барселона» ҳужумчиси Лионель Мессини афсонавий футболчи Диего Марадона билан таққослади.

«Месси – айни пайтдаги дунёнинг энг яхши футболчиси, бироқ унга Марадонанинг салобати етишмайди. Диего исталган нуқтада ўйнаши мумкин эди, у Испанияда ҳам, Италияда ҳам етакчи бўла олди. Марадона ва Ди Стефано – Аргентина тарихидаги буюк футболчилар. Марадонага қарши ўйнашдан ҳам қийин иш бўлмаган. Мен унга ўхшаш бошқа футболчини кўрмаганман. У йўқ ердан голли вазият ярата оларди.

Аргентина терма жамоасида салоҳият бор, аммо Месси якка ўзи уни оча олмайди. Аргентинада аниқ ўйин режаси йўқ, фақат бир футболчига таяниб қолиш мумкинмас. Мен бир пайтлар Берлусконига айтганман, яхши сценарий бўлмас, фильмни Роберт де Ниро, Жорж Клуни ёки Жек Николсон ҳам эплай олмайди», - деди Сакки Goal хабарида.