Италия терма жамоаси дарвозабони Жанлуижи Буффон футболчилик фаолиятини якунлаганидан сўнг нималар билан шуғулланиш истагида эканлигини маълум қилди.
«Ҳозирча бор эътиборимни яқин икки йилликка қаратмоқчиман. Фаолиятимни чўққида — ҳозирги даражамда якунлашни истайман. Шундан сўнг вақтимни оиламга бағишлайман», — деди Буффон.
«Ана шунда бундан кейин нима билан шуғулланишим мумкинлиги ҳақида ўйлаб кўрса бўлади. Мен элчи бўлиб, футбол қадриятларини жаҳонга улашишим мумкин. Мендаги тажриба билан бу ишни қилса бўлади», — деди Буффон.
«Бироқ буларнинг бари ҳақида фақат икки йилдан сўнг ўйлаш мумкин бўлади», — дея қўшимча қилди «Ювентус» посбони.
