“Манчестер Юнайтед” жамоаси сардори Уэйн Руни “Ювентус” ярим ҳимоячиси Поль Погба ортда қайтса хурсанд бўлишини маълум қилди.
“Погба шундай футболчилар сирасига кирадики, у билан машғулотда жароҳат олиш мумкин. У буни атайин қилмайди. Поль тўп учун курашишни яхши кўради. Унинг “МЮ”га қайтишини интизорлик билан кутяпман.
Погба “МЮ”дан кетгач катта тажриба орттирди. Аминманки, агар у ортга қайтса, катта ютуқларга эришади. У сафимизга қўшилса, хурсанд бўламан”, – деди Руни.
Эслатиб ўтамиз, 23 ёшли футболчи 2012 йилда “МЮ”дан “Ювентус”га эркин агент сифатида ўтганди.
