"Севинч" футболчилари айни кунларда дам олишни давом эттиришмоқда. Футболчиларимиз учун давралар оралиғидаги танаффус 3 август чоршанба кунигача белгиланган. Иккинчи даврага тайёргарликлар 3 август кунидан клуб қароргоҳида бошланади.
Аёллар ўртасидаги XXII Ўзбекистон чемпионатининг иккинчи давра учрашувлари 25 август кунидан старт олади. Жамоамиз 12-тур учрашувини 26 август куни “Шўртан Lady” жамоасига қарши ўтказади.
Бунгача жамоамиз XV Ўзбекистон кубоги биринчи босқичининг икки учрашувида майдонга тушишади. Жамоамиз 17 ва 18 август кунлари биринчи лига вакили – “ТерДУ Сурхан” жамоаси билан баҳс олиб боради.
Рақибимиз – Термиз шаҳрининг “ТерДУ Сурхан” жамоаси, Ўзбекистон биринчилигида икки турдан сўнг, тўққиз очко тўплаб, биринчи ўринни эгаллаб турибди.
Биринчи лигада иштирок этаётган “Севинч-2” жамоамиз кубок учрашувларини 8 август куни бошлайди. Шу куни қизларимиз олий лига вакили “Машъал-W” жамоасига қарши баҳс олиб боришади. Жавоб учрашуви 11 август куни ўтказилади.
