«Челси» ярим ҳимоячиси Эден Азар «Реал Мадрид»га қарши Халқаро чемпионлар кубоги учрашувидан (2:3) сўнг ўз фикрлари билан ўртоқлашди.
«Иккита гол урдим, шу сабабли хурсандман, яна майдонда тўп суриш ёқимли бўлди. Ҳаммаси ажойиб бўлди-ю, бироқ бунинг ўзи ғалаба учун етарли бўлмади», — деди бельгиялик футболчи.
«Мавсумолди тайёргарлиги оғир кечмоқда, умид қиламизки, жамоа «Вест Хэм»га қарши Англия чемпионатининг биринчи учрашувига тайёр ҳолда келади», — деди Азар.
«Пайшанба куни «Милан»га қарши ўйинда майдонга тушишга умид қиламан, бироқ менинг асосий мақсадим — «Вест Хэм»га қарши АПЛ ўйинида майдонга тушиш», — деди футболчи.
«Шу сабабли ҳам ўйинимни босқичма-босқич кучайтиришим керак. Майдонга ақлини йўқотган кишидек югуриб чиқиб, 90 дақиқа ўйнаб, сўнг яна жароҳат олишдан хурсанд бўлмайман», — деди Азар.
