«Шальке» яримҳимоячиси Лерой Сане «Манчестер Сити» клубига ўтиши билан боғлиқ вазиятга изоҳ берди.
«Келишув амалга ошганидан хурсандман. Энди Манчестерда ўрнашиб, «Сити» учун ўйнайман. Клубга ўтганимга Гвардиола сабаб бўлди. Бу клубда ўйиним борасида ўсишимга ишонтира олди. Унинг қўл остида кўп нарсага эришаман, бу фаолиятимдаги янги қадам. Гвардиолани «Бавария» ва «Барселона»даги фаолиятини кузатганман, у кўп нарсага эришган ва ёшлар билан самарали меҳнат қилган. Бу ерда кўникиб кетишим учун менга бироз вақт керак бўлади. Лекин тез орада жамоамга ёрдамим тегади деган умиддаман» - деди Сане клуб матбуот хизмати хабарида.
