Парагвай терма жамоасининг янги бош мураббийи қилиб Франсиско Арсе тайинланди, деб хабар бермоқда мамлакат футбол ассоциацияси (APF ) сайти. Раҳбарият аввалига Рейнальдо Руэда билан келишмоқчи эди, аммо у рад жавобини берди.

«Ҳамма нарсани келишиб олганимиздан сўнг, Руэда кутилмаганда рад жавобини берди. Шундан сўнг Арсе билан учрашиб, шартнома ҳақида гаплашиб олдик. У менда яхши таассурот қолдирди ва айни пайтда у бизга керак мутахассис эканини тушуниб етдим» - деди APF президенти Роберт Харрисон.

Арсе 1994-2005 йилларда Парагвай терма жамоаси сафида ўйнаган. Мураббийлик фаолиятида «Рубио Нью», «Серро Портеньо», «Олимпия» ва «Гуарани» клубларини бошқарган.