“Нефтчи” – “Бунёдкор” учрашувидан (2:1) кейинги матбуот анжуманининг биринчи қисмида “қалдирғочлар” устози қатнашди.

- “Нефтчи”ни ғалаба билан табриклайман. Биринчи бўлимда ўйинимиз қовушмади. Иккинчи таймда ўзгаришлар бўлди, алмаштиришлар ўйинимизни кучайтирди. Бироқ бугун бизнинг кунимиз эмас экан. Пенальтидан ва вазиятлардан фойдалана олмадик. Энг аламлиси биринчи сонияларданоқ гол ўтказиб юбордик.

“Нефтчи” яхши ўйнади ва ҳақли ғалабага эришди. Берилган кўрсатмалар бажарилмади. “Нефтчи” битта хато қилди ва битта гол ўтказди. Биз эса иккита хато қилдик ва шунга яраша дарвозамиз ишғол қилинди. “Нефтчи” ҳудудларни яхши беркитди. Биз “Барcелона” ёки “Реал” эмасмиз. Ҳаммани ҳам юта олмаслигимиз мана бугун кўриниб қолди, - дейди Сергей Иванович.