Кеча “Насаф” жамоаси миллий чемпионатининг 16-тур доирасидаги учрашувни Ғузорда “Шўртан” жамоасига қарши ўтказди. Воҳа дербиси мақомига эга бўлган ушбу учрашувда “Насаф” 3:0 ҳисобида ғалаба қозонди.

Учрашувда “Насаф” жамоаси ҳамжиҳатлик билан ҳаракат қилди. Бунинг эвазига йирик ҳисобдаги ғалаба нашидасини суришди.

Албатта бу ўйинда жамоа таркибига иккинчи даврадан келиб қўшилган Огнен Красичнинг ўйини кўпчиликка маъқул бўлди. У 29 июл куни бўлиб ўтган “Андижон” жамоасига қарши учрашувдаги дебютида ҳам голларга асисентлик қилган эди.

Кечаги учрашувда ҳам жамоадошларини ҳужумга чорлашда фаол бўлди ва миллий чемпионатимиздаги дебют учрашувидаёқ ўз ҳисобига гол ёзиб қўйишга эришди.

Бевосита стадионда учрашувни томоша қилган мухлисларнинг фикрича, учрашувдаги энг яхши ўйинчи – Огнен Красич бўлди. Унинг фаоллиги эвазига учрашувдаги учинчи гол ҳам киритилди.

Шунингдек мухлисларга дарвозабон – Элдор Суюнов, ҳимоячи – Игорь Голбан, ярим ҳимоячи – Азизжон Ғаниев ва ҳужумчилардан Бобир Абдухолиқов ва Драган Красичларнинг ўйинлари жуда маъқул бўлган.

Шуни яна бир марта таъкидлаб ўтиш керакки,  “аждарлар” бўлиб ўтган учрашувда жамоавий ўйин эвазига ғалаба қозонишди. Бунда ҳамма ўйинчиларнинг ҳам ҳиссалари бор.

Азамат Умаров.

Фото муаллифи: Сардор Нуров