"Манчестер Юнайтед" клуби мухлислари "Ювентус" ярим ҳимоячиси Поль Погбанинг трансферини интизорлик билан кутишмоқда. Бу орадан манкунианликларнинг янги ҳужумчиси Златан Ибраҳимович ҳам жим турмади. Швециялик футболчи ўзининг футболкалари сотувидан тушган даромадга Погбани сотиб олиш мумкинлигини айтиб ўтди.
Куни кеча Златаннинг футболкалари сотувга чиқарилганидан кейин бир ҳафта ўтиб, 90 миллион евролик формалар сотилгани ҳақида маълумот берилди. Демак, яна бир неча кундан кейин Ибраҳимовичнинг футболкалари савдосидан тушадиган пул франциялик футболчини сотиб олишга етарли бўлади, шекилли.
Сайтимиз карикатурачиси Жавлон Назаров шу мавзуда ижод қилди.
