Европа лигасининг 3-босқич саралаш ўйинларида «Краснодар» Мальтанинг «Биркиркара» клубини икки ўйин натижасига кўра осонликча мағлуб этиб, кейинги босқичга йўл олди.

Бир ҳафта олдин сафарда бўлиб ўтган дастлабки ўйинда краснодарликлар 3:0 ҳисобида ғалаба қозонишган эди. Шунинг учун ҳам жавоб ўйинидан олдин бош мураббий Олег Кононов етакчи футболчиларга дам олиш имкониятини берди. Хусусан, ҳамюртимиз Одил Аҳмедов ҳам бугун ўйнамади.

Шундай бўлсада, «Краснодар» рақибни мағлуб этишда қийналмади ва ишончли тарзда кейинги босқичга йўл олди.

4 август, «Кубань» стадиони

«Краснодар» (Россия) – «Биркиркара» (Мальта) 3:1 (дастлабки ўйин 3:0)

Голлар: 1:0 – 15 Куасси, 2:0 – 37 Жоаозиньо, 3:0 – 39 Лаборде, 3:1 – 61 Йович.

Краснодар – Синицин, Торбинский (Перейра, 79), Мартинович, Страннберг, Куасси, Лаборде (Ари, 41), Каборе (Газинский, 69), Жоаозиньо, Петров, Бистров, Вандерсон.

Биркиркара – Коприч, Шиберрас, Церафа, Бубалович, Аттард, Димитров (Жоржевич, 77), Анджелкович, Баяда (Йович, 46), Марселина (Темиле, 46), Плут, Эррера.

Огоҳлантиришлар: Димитров (45), Куасси (57), Шиберрас (58), Бубалович (90).