Лионель Месси Аргентина терма жамоасидаги фаолиятини тугатиш фикридан қайтди, дея хабар беради аргентинанинг Оле нашри.
Америка кубоги-2016 финалида Чили термасига мағлубиятдан сўнг 29 ёшли футболчи терма жамоада бошқа ўйнамаслигини эълон қилган эди. Таркибида Месси бўлган Аргентина терма жамоаси Америка кубогининг 2007, 2015 ва 2016 йиллардаги финалларида мағлуб бўлиб келмоқда.
Терма жамоанинг янги бош мураббийи Эдгардо Бауса келгуси ҳафтада Месси билан Барселонада учрашади ва шунда футболчи терма жамоага қайтганини тасдиқлайди.
Аргентина терма жамоасининг яқин вақт ичидаги ўйинлари 1 ва 6 сентябрь кунлари Уругвай ва Венесуэла термаларига қарши бўлиб ўтади.