ФИФА томонидан чоп этилган футбол ўйини қоидаларининг янги нашри рус тилида ҳам нашрдан чиқди. ФИФАнинг россиялик мутахассисларидан ташқари қоидаларни рус тилига таржима қилишда, ўзбекистонлик, қирғизистонлик ҳамда туркманистонлик мутахассислар ҳам иштирок этди.
Ўзбекистонлик мутахассислардан футбол ўйини қоидалари янги нашрининг рус тилига таржима қилишда ФИФА инструктори Фарҳод Абдуллаев ҳамда ФИФА рефериси Владислав Цейтлин иштирок этган.
“Бизда ёқимли хабар бор: Футбол ўйини қоидалари 2016/2017 рус тилида ҳам нашрдан чиқди. Бунинг устида кўп мутахассислар иш олиб борди. Россиялик ҳамкасбларимиздан ташқари, унинг таржимасида иштирок этган ўзбекистонлик ФИФА рефериси Владислав Григорьевич Цейтлин, қирғизистонлик Виктор Калпаковларга миннатдорчилик билдирамиз. Шунингдек, туркманистонлик мутахассис Вадим Баратовга рус тилидаги таржимани расмийлаштириш бўйича иш олиб боргани учун ташаккур”, - дейди ўзбекистонлик ФИФА инструктори Фарҳод Абдуллаев.
