Бразилиянинг Рио-де-Жанейро шаҳрида 31-ёзги Олимпиаданинг очилиш маросими бўлиб ўтди. Мезбон мамлакат очилиш маросимини чиройли ташкил этишга ҳаракат қилди.
Маросимнинг бадиий қисми якунига етганидан кейин Риога етиб келган 200дан ортиқ делегация вакиллари "Маракана" стадионига бирин-кетин чиқиб келишди. Анъанага кўра, Греция делегацияси парадни бошлаб берган бўлса, Бразилия спортчилари энг сўнгги бўлиб стадиондан юриб ўтишди. Орада эса мамлакатлар португал тили алифбоси тартибида стадионга таклиф этилишди.
Албатта, Ўзбекистон делегациясининг стадионга кириб келишини интизорлик билан кутдик ва спортчиларимизни хурсандчилик билан кутиб олдик. Ўзбекистон давлат байроғини оғир вазндаги боксчимиз Баҳодир Жалолов кўтариб чиқди.
Қуйида Ўзбекистон делегацияси суратларидан бир нечтасини эътиборингизга ҳавола қиламиз.
