Мухлисларимиз орзиқиб кутган кун яқинлашмоқда. 8-август ,душанба куни Қўқондаги “Марказий” ўйингоҳида , мамлакатимизнинг амалдаги чемпиони , Тошкентнинг “Пахтакор” жамоаси меҳмон бўлади.
“Қўқон-1912” ва “Пахтакор” жамоалари ўртасидаги баҳс ҳар доим мухлислар ўртасида юқори даражадаги қизиқишга сабаб бўлиб келган. Бу сафарги баҳс ҳам ҳар икки жамоа учун муҳим аҳамиятга эга.
Ушбу учрашув учун чиқарилган чипталар “Марказий” ўйингоҳ кассаларида сотилмоқда. Чипталар доимгидек икки хил тоифада , 5000 ва 10 000 сўмдан сотилмоқда. Чипта харид қилишга шошилинг !
Ҳа айтганча 8-август куни учрашув соат 18-00 да бошланиши белгиланган бўлиб, учрашувдан олдин мухлисларимиз Ўзбек эстрадаси юлдузи, Ўзбекистон ҳалқ артисти, ҳалқаро конкурслар лауреати, актёр ва спортчи Козим Қаюмов ижросидаги қўшиқлардан баҳраманд бўладилар.
