«Челси» яримҳимоячиси Нголо Канте «Лестер»дан келган пайтида яримҳимоячи Эден Азарга миннатдорчилик билдирганини айтди. Гап шундаки, «Челси» - «Тоттенхэм» (2:2) ўйинида Азар ҳисобни тенглаштирган, натижада «Лестер» муддатидан олдин чемпион бўлганди.

«Ўша куни ҳаммамиз Вардини уйида меҳмонда эдик. Танаффусда «Челси» 0:2 ҳисобида орқада бораётганди. Шунда «Эвертон»га қарши ўйинга яхшироқ тайёргарлик кўриш керак деб турганимизда, Азар ҳисобни тенглаштирди.

«Челси»га келганимдан сўнг Азар билан учрашиб қолдим ва: «Биласанми, «Лестер»дагилар сендан жуда миннатдор» - дедим» - деб айтди Канте.