Тажрибали ҳужумчи Анвар Бердиев куни-кеча жамоамиз сафига қўшилди.
Сўнгги бир йилдан буён “Андижон” учун ўйнаб келаётган 38 ёшли футболчи давралар оралиғида Фарғонанинг “Нефтчи” клуби йиғинида иштирок этганди. Аммо Бердиевнинг бу жамоага ўтиши амалга ошмади ва у “Андижон” иҳтиёрига қайтиб келди.
Бердиев кеча “Соғлом авлод” стадионида ўтган машғулотларда тўлиқ иштирок этди. Айтиш керакки, мухлислар ҳам унинг қайтишини хурсандчилик билан қарши олди. Ўтган мавсум “Андижон” учун жуда ҳам фойдали голларни урган ҳужумчидан иккинчи даврада сермаҳсуллик кутиб қоламиз. Умид қиламизки, Анвар Бердиев иккинчи даврада бор маҳоратини ишга солиб, раҳбарият ва ишқибозларни хурсанд этади. Бу борада унга омад тилаб қоламиз.
