“Қўқон-1912” – “Пахтакор” учрашувидан кейин ташкил этилган матбуот анжуманининг биринчи қисмида мезбонлар устози Нўъмон Ҳасанов қатнашди.

Бугун мамлакат чемпионига қарши майдонга тушдик. Ўйин шунга яраша қийин кечди. Умуман олганда, бу ёғига ҳар бир очко учун боримизни бериб ўйнашимиз талаб этилади. Буни шогирдларим яхши тушуниб туришибди. “Пахтакор” ҳам бугун ёмон ўйнамади. Лекин дуранг натижа ҳам ёмон эмас. Меҳмонлар стандарт вазиятлардан унумли фойланишини билиб ўйин тактикасини шунга монанд тузиб чиққандик. Бугун мухлисларимиз бизни тинмай қўллаб-қувватлшгани учун миннатдорчилик билдираман. Кейинги ўйинларда ҳам улардан мана шундай фаоллик кутиб қоламиз.