Тошкент мезбонлик қилган 19 ёшгача бўлган футболчилар ўртасидаги Марказий Осиё Футбол Ассоциациаси Кубоги — CAFA CUP–2016 ўз ниҳоясига етди. Финал баҳсида Ўзбекистон-1 жамоаси Қирғизистон билан баҳс олиб борди ва 1:0 ҳисобида ғалаба қозонди.
Биринчи бўлимда катта устунликка эга бўлган Жасур Абдураимов бошчилигидаги Ўзбекистон ёшлар терма жамоаси 29 дақиқада ҳисобни очишга муваффақ бўлди. Бурчакдан узатилган тўпни Исломбек Қобилов боши билан рақиб дарвозасига киритди – 1:0.
Учрашувнинг 31 дақиқасидан бошлаб Ўзбекистон ёшлар терма жамоаси бир киши кам бўлиб ҳаракат қилди. Шароф Муҳитдинов рақибига нисбатан қўпол ўйнагани учун ҳакам томонидан четлатилди.
Иккинчи бўлимда ҳар икки жамоа бир қатор имкониятларга эга бўлди, аммо ўйин якунига қадар 1:0 ҳисоби ўзгармади.
Шу тариқа, Ўзбекистон ёшлар терма жамоаси илк маротаба ташкил этилган CAFA CUP–2016 турнирининг бош совринини қўлга киритди.
CAFA CUP–2016. Финал
Ўзбекистон U-19 – Қирғизистон U-19 – 1:0
Гол: Исломбек Қобилов 29,
Огоҳлантиришлар: Суиунтбек Мамаралиев, Жанбото Яйсбек
Четлатиш: Шароф Муҳитдинов 31
Ўзбекистон U-19: Умид Ҳамроев, Ислом Қобилов, Хожиакбар Алижонов, Хушнуд Авилов, Азиз Ғаниев, Саиджамол Давлатжанов, Шароф Муҳитдинов, Ойбек Рустамов, Достон Ибрагимов, Бекзод Ғанижонов, Нурулло Тўхтасинов.
Захира: Собит Синдоров, Жасур Яхшибоев, Суҳроб Нурулоев, Бобир Абдуҳолиқов, Санжар Қодирқулов, Ҳусниддин Ғофуров, Шоҳрух Раимов.
Қирғизистон U-19: Арстан Кудайбердиев, Нуртаи Курмантаи, Данислам Загидулин, Георгий Славний, Аизар Акматов, Жанбото Яйсбек, Суиунтбек Мамаралиев, Азат Сматов, Айдар Мамбеталиев, Кадирбек Шаарбеков, Виктор Келм.
Захира: Кутман Кадирбеков, Кубанёрбек Куренкеев, Абдурасул Ахметов, Алмаз Сматов, Нурболат Ирисбеков, Вадим Ни, Эмир Жетибаев
