“Бунёдкор” – “Сўғдиёна” учрашувидан кейинги матбуот анжуманининг биринчи қисмида жиззахликлар устози қатнашди.

- Аввало барчангизни кириб келаётган Мустақиллик байрами билан табриклайман. Юртимиз доимо тинч, осмонимиз мусаффо бўлсин. Бевосита ўйин ҳақида гапирадиган бўлсам, биз яхши ниятда келгандик. “Бунёдкор” билан ўйнаш мумкин, агарки тўғри ва тартибли ўйин кўрсатилса. Биринчи даврадаги каби бугун ҳам битта тўп фарқи билан ютқаздик. Бироқ ҳар иккала ўйинда ҳам мағлубиятга лойиқ эмасдик. Ҳужумчиларимизда сермаҳсуллик жуда кам. Бу борадаги кўрсаткичларимиз билан мақтана олмаймиз. Изланяпмиз, имкон қидиряпмиз, бироқ ҳозирча буни яхши томонга ўзгартира олмаяпмиз, - дейди Даврон Файзиев.