"Барселона"нинг спорт директори Ариедо Брайда каталонияликлар нима учун "Ювентус"дан Поль Погбани сотиб олмагани сабабини келтирди.
"Барселона" иқтисодий сабаблар туфайли Погбани сотиб олмади. Биз унинг ўйини савиясига шубҳа қилмаймиз, ўйлашимча, у "МЮ"да ўз маҳоратини кўрсатади. Аммо ҳар ўйини чиқмаган вақтида танқидлар остида қолади. Мухлислар унинг нархини ёдга олиб, бир ўзи ўйинни ютишини талаб қиладилар, бунинг имкони йўқ.
Аслида ҳеч бир ўйинчининг нархи бунчалик эмас. Бу ҳақиқатдан узоқ рақамлар. Бу нарх ўйинчига қандай таъсир қилади, ҳеч ким билмайди. Балки, таъсир қилмас, аммо катта босим ҳар доим бўлади", - дейди Брайда.
