“Ҳордиқ плюс” газетаси ўзбек шоу-бизнес вакиллари бўш вақтида қандай севимли машғулотлар билан шуғулланиши ҳақида қизиқди, дея хабар бермоқда "даракчи.уз". Газетада Алишер Файз футболга қизиқиши ҳақида маълум қилинган.

"Футболга жуда қизиқаман. Сабабини билмайман-у, лекин футбол тўпларини йиғишни ёқтираман. Уйимда ва офисимда ҳам сўзларимнинг исботини кўришингиз мумкин. Тушкунликка тушсам ёки қаттиқ чарчасам қўлимга коптокни оламан. Уйда, офисда тўп сақлашнинг ҳам фойдали томонлари бор экан. Бўш қолсангиз спорт машқларини бажариш имконияти туғилади", - дейди хонанда.