Латвиянинг Лиепая шаҳрида ташкил этилган “Dobrecova Cup 2016” футбол мусобақасида иштирок этган "Локомотив" футбол мактабининг 2006 йилда туғилган тарбияланувчилари бугун Тошкентга қайтиб келишди.
Ёш "темирйўлчилар"ни Тошкент халқаро аэропортида "Локомотив" ПФК вакиллари, ота-оналар ҳамда ОАВ ходимлари муносиб тарзда кутиб олишди. Вакилларимиз аэропортдан чиққач, жамоа бош мураббийи Суннат Рўзиев, шунингдек ёш футболчиларимиз "Спорт" ва "Узрепорт" телеканали мухбирларига интервью беришди.
Эслатиб ўтамиз, ушбу турнирда "Локо-2006" иккинчи ўринни қўлга киритди, қолаверса жамоа тарбияланувчиси Диёр Тожиев "Мусобақасининг энг яхши футболчиси", Али Ашуров эса "Энг яхши ярим ҳимоячи" деб топилди.
